د اولس مشر ډاكټر عارف علوي د سينې كېنسر په اړه دستورې ته خطاب

اسلام آباد 07 اکتوبر (اے پی پی) اولس مشر ډاكټر عارف علوي وئيلي دي علماء او آئمه کرام دې د سينې كېنسر په اړه په اولسي كچه د شعور بېدارولو په لړ كښې خپلې سماجي ذمه وارۍ ترسره كړي۔ هېواد كښې يو كروړ څخه د زياتو مېرمنو د سينې كېنسر سره مخ كېدو خطره ده۔ ماشوم ته د مور پۍ وركولو سره د سينې د كېنسر امكان كمېږي۔ د دې خيالاتو څرګندونه ده د ګل په ورځ ايوان صدر كښې د سينې كېنسر سره اړوندې يوې دستورې ته خطاب كښې وكړه۔ ده ووئيل وزيراعظم عمران خان د سرطان رنځ په اړه شعور بېدارولو څخه ښه خبر دے۔ ده د شوكت خانم روغتون جوړولو له هڅې كړې۔ وزیراعظم عمران خان اقتدار كښې راتللو سره خپله اولنې وېنا كښې هم مېرمنو او كوچنيانو لپاره د خوراك كمي مسئله به ډاګه كړه۔ اولس مشر ووئيل د پاكستان په ډول هېوادونو كښې ودانۍ كښې زياتوالې هم لويه مسئله ده۔ پاكستان كښې د ودانۍ زياتوالي په اړه خبره نه كېږي حال دا دے چې په اړه هم شعور بېدارولو ته اړتيا ده۔ ده ووئيل پاكستان كښې يو كروړ څخه د زياتو مېرمنو د سينې كېنسر سره د مخ كېدو خطره ده۔ ماشوم ته د مور پۍ وركولو سره د سينې د كېنسر امكان كمېږي۔ ده په مېرمنو زور راوړو چې هره يوه مور دې خپله معائنه پخپله وكړي۔ كه د غوټې كوم شك وينو د سينې اېكسرے دې وكړي۔ اولس مشر ووئيل د كوم يو كس ژوند بچ كولو سره د بخښنې لاره پرانستلې كېږي۔ ده ووئيل په ټي وي د سحر پروګرامونو كښې په خاص توګه د اكتوبر مياشت كښې د سينې د كېنسر په اړه شعور بېدارول پكار دي۔ ميډيا بايد سماجي مسئلو له وخت مخصوص كړي۔ ده ووئيل جوماتونه دې هم د سماجي مسئلو حل كولو مركز جوړ كړې شي۔ علماء او آئمه کرام دې د پولیو صحت او آبادۍ په ډول مسئلو په اړه شعور بېدارولو كښې خپل كردار ترسره كړي۔په دې لړ كښې مو اسلامي نظرياتي كونسل ته هم خط ليكلې دې۔ اولس مشر ووئيل نوې پاكستان جوړولو له به مونږ له په خپل زړه كښې دړد راپېدا كول وي۔ په نوې پاكستان كښې خلقو ته د روغتيا آسانۍ بايد وركړې شي۔ حکومت په دې لړ كښې احساس پروګرام پېل كړې ۔ د سر پټولو ځايونه ئې جوړ كړې او لنګرخانې ئې پېل كړې۔ ده ووئېل اسلام كښې ګاونډيانو سره د ښه سلوك كولو تلقين شوې۔ ده ووئيل د مدينې رياست جوړولو ذمه واري يوازې د وزيراعظم نه ده دې لپاره به مونږ ټولو له اجتماعي كردار ترسره كول وي۔ د مدينې رياست كښې ټول پام د اولس خېر ښېګړې ته ؤ۔ ده ووئيل قرآن كريم كښې هم كوچنيانو ته تر دوو كالو د پيو وركولو تلقين شوې۔ ولې چې لوئے څښتن د مور په پيو كښې د غذائيت خزانه اېښودې ده۔ ده ووئيل جاپانی کمپنی موری ناګا پاکستان كښې د پيو څانګه كښې لويه سرمايه كاري كوؤنكې كمپني ده۔ د کمپنۍ عهدېدارو سره ملاقات كښې دوئي سره د مور د صحت او د ماشوم د غذائيت په اړه په شعور بېدارولو خبره شوې ۔ اولس مشر ووئيل د پاكستان او سري لنكا ترمينځھ د آخري كركټ مېچ په مهال به د سينې كېنسر په اړه شعور بېدارولو له ګامونه پورته كولې شي۔ په دې مهال اولنۍ مېرمنې بېګم ثمينه عارف علوي خپل خطاب كښې د سينې كېنسر څخه د بچ كېدو او په دې لړ خبرتيا سره په اړوندو ګامونو رڼا واچوله۔ د دستورې په مهال د شوكت خانم عهدېدارانو د سينې كېنسر په اړه پریذېنټېشن وركړو۔ دستوره كښې د وزيراعظم خصوصي مرستيالې ډاكټر فردوس عاشق اعوان په شمول د پارلمان غړو ګډون كولو

مضمون کا ماخذ : سکاراب ملکہ

متعلقہ مضامین