نیویارک۔21جولائی (اے پی پی):قومی اسمبلی دے ڈپٹی سپیکر زاہد اکرم درانی آکھیے پاکستان 2030 دے پاکستان پائیدار ترقیاتی اہداف گھنݨ کیتے پوری طرح سرگرم عمل اے۔انہاں اہداف وچ غربت مکاوݨ ، صنفی مساوات ، معیاری تعلیم اتے صحت سہولتاں تئیں رسائی تے ماحول دا تحفظ شامل اے۔اے ڳالھ انہاں اقوام متحدہ دی اقتصادی و سماجی کونسل (ای سی او ایس او سی)دے اہتمام نال پائیدار ترقی دے حوالے نال نیویارک اچ تھیوݨ آلے اعلیٰ سطحی فورم توں خطاب کریندے ہوئیں آکھی اے ۔فورم دا مقصدپائیدار ترقی دے حوالے نال ستمبر اچ تھیوݨ آلے عالمی سربراہی اجلاس توں پہلے اہداف بارے پیش رفت دا جائزہ گھنݨ اے ۔پاکستان دی نمائندگی قومی اسمبلی دے ڈپٹی سپیکر زاہد اکرم درانی دی قیادت اچ 18 رکنی وفد کیتی ۔زاہد اکرم درانی فورم کوں ݙسائے جو پاکستان 2030 دے پائیدار ترقیاتی اہداف گھنݨ کیتے پوری طرح تیار اے ،اے اہداف غربت مکاوݨ ، صنفی مساوات دا ودھارا ، معیاری تعلیم ، صحت دی ݙیکھ بھال تئیں رسائی کوں یقینی بݨاوݨ تے ماحولیات دی حفاظت سودھے کئی مقاصد تے مشتمل ہن۔ انہاں آکھیے اعلیٰ سطحی سیاسی فورم کورونا وائرس توں پائیدار اتے لچکدار بحالی دے مقصد تے توجہ ݙیندے ہوئیں صحت دے عالمی بحران توں پیدا تھیوݨ آلے غیر معمولی چیلنجز کوں تسلیم کیتے۔انہاں آکھیے کورونا وائرس دی وبا پورے معاشرے تے ݙو رس اثرات پاتن ایندے توں عدم مساوات اچ ودھارا تے پائیدار ترقی دے عالمی اہداف بارے پیش رفت اچ رکاوٹاں دا سامنا کرݨا پئے ۔
