ڈاکٹرز اتے ہیلتھ کیئرعملہ ساݙے ہیروز ہین، آرمی چیف جنرل قمر جاوید باجوہ دا کالج آف فزیشن اینڈ سرجنز دے کانووکیشن نال خطاب

راولپنڈی۔30دسمبر(اے پی پی) آرمی چیف جنرل قمر جاوید باجوہ آکھیے جو ڈاکٹرز اتے ہیلتھ کیئرعملہ ساݙے ہیروز ہین۔ پاک فوج دے شعبہ تعلقات عامہ (آئی ایس پی آر) موجب آرمی چیف جنرل قمر جاوید باجوہ کالج آف فزیشن اینڈ سرجنز دے کانووکیشن اچ ڳین جتھاں سی پی ایس پی دے نائب صدر شعیب شفیع انہاں کوں بسم اللہ آکھیے۔ آرمی چیف کوں سی پی ایس پی دی اعزازی فیلو شپ وی ݙتی ڳئی۔ سپہ سالار کامیاب گریجویٹس کوں اسناد ݙتن۔ آرمی چیف کرونا ویلھے فرنٹ لائن ورکرز دا کم کرݨ آلے طبی عملے دی تعریف کیتی۔ انہاں ڈاکٹرز اتے فزیشنز کوں متعلقہ فیلڈ اچ سپیشلائزیشن کراوݨ تے وی سراہا۔ انہاں آکھیا جو چیلنجز دے باوجود کورونا اچ ڈاکٹرز اتے عملے عوام دی خدمت کیتی اے اتے ݙینھ رات کم کیتے، قوم ڈاکٹرز اتے پیرا میڈیکس دی قربانیاں کوں سلام پیش کریندی اے جو انہاں اپݨا اڄ قربان کر تے کئی قیمتی جاناں بچائن۔ انہاں آکھیا جو آرمی میڈیکل کور دی قومی ہیلتھ کیئرسسٹم اچ اہم خدمات ہین، عوام دے تحفظ اتے سلامتی کیتے سارے وسائل لیسوں۔

مضمون کا ماخذ : جنگل کا بادشاہ

متعلقہ مضامین